【明報專訊】呢兩年接連有區議會同立法會兩場大選舉，政黨都需要籌募經費。民主黨計劃喺明年初大力推動「月供捐款計劃」，希望支持者每月捐款畀民主黨，令該黨有一個比較穩定嘅財政來源。民主黨亦計劃明年2月舉行籌款晚宴，之不過，近日有報道話前黨員狄志遠都打算明年初為新組織舉辦籌款晚宴。兩個籌款晚宴咁近，會唔會對民主黨嘅成績有影響？民主黨司庫袁海文話唔擔心會有影響喎。