【明報專訊】諾貝爾物理學獎得主、中文大學前校長高錕（圖）近年患咗腦退化症，大家都好關心佢嘅情况，原來高錕教授近年醉心繪畫，畫畫成為佢嘅良藥，幫助手部協調和運用。「高錕慈善基金」為咗慶祝成立5周年，幫高教授搞咗個個人巡迴畫展，展品包括佢首幅畫作，以及送畀太太黃美芸嘅溫馨禮物《生日快樂》。