【明報專訊】維港渡海泳下月18日舉行，主辦單位搵咗城中名人跳入泳池拍片、影相賣廣告，近日頻頻出宣傳，而曾鈺成都被「拉落水」。不過，曾主席噚日喺facebook上載照片，發現佢獲得優待，可以「堅離水」咁宣傳。當一眾名人要跳落泳池，曾主席就安坐喺一張疑似係大水泡嘅主席椅，好霸氣咁喺池中央，腳都唔使濕，池面就放滿黃色膠蕉，話咁先係代表主席見慣大場面，能夠見「蕉」拆「蕉」喎。