【明報專訊】近期發生鉛水事件，唔少議員都好關注，當知道食水出問題，即刻喺屋邨搞居民大會，工黨張超雄都唔例外，今個月11號晚喺水泉澳邨搞居民會，但前兩日佢就收到房屋署信件，話集會未經批准，且佔用緊急車輛通道，「可能引致嚴重後果」，提醒張議員「慎思」。張超雄見到封信就好激氣，喺facebook留言，不滿房署向佢發「警告信」，「房署就急不及待地要告誡我，真有官威！！！」