【明報專訊】特首梁振英（CY）噚日去會展出席抗日勝利戰爭70周年圖片展，去到會展無示威者，反而有十幾個拎住鮮花同生日卡嘅中年男女，喺場外記者採訪區外一直守候，原來佢哋知道CY聽日61歲生日，打算為佢賀壽，送上鮮花同生日卡。而CY喺活動完結離開時原本對記者提問充耳不聞，但聽到有人同佢賀壽，就返轉頭收花見吓fans。