【明報專訊】今年書展，有一本探討去年佔領運動嘅反佔中書《香港：傘裏傘外博弈》，噚日有幾個作者一齊出席講座同讀者交流意見，包括多次撰文支持港府同警隊嘅專欄作家屈穎妍。屈穎妍分享佢對警隊同時下教育嘅看法，佢喺開場白時講，好多人都提出佔中打開咗「潘朵拉的盒子」，「把我哋所有人心中潛藏嘅罪惡感引發出來」，亦「引咗好多精神有病嘅人出來」，「人之初性本惡，點解有善係因為有法律，有法律，好似紅綠燈咁，你知有警察在旁，你係唔敢行」。