【明報專訊】不經不覺港人飲用東江水已經有50年，有人話港人要飲水思源，但社會上亦有聲音話東江水唔平，好似最新一份粵港兩地政府供水協議，未來3年市民要畀近135億元購水，即逐年加約6%。無論如何，供水50年都係值得紀念嘅日子，港府噚日就喺政府總部搞咗個「東江水供港50周年」紀念儀式，請到內地水利部長陳雷、廣東省長朱小丹，以及中聯辦主張曉明一齊出席。