【明報專訊】立法會噚日繼續辯論財政預算案，但點人數嘅鐘聲就無乜響起，唔少議員可能都覺得幾輕鬆，相信食物及衛生局長高永文都有功勞。此話何解？其實因為拉布要員、人民力量議員陳志全（中）噚日正日生日，雖然都要出席立法會，但中午就有高醫生（右）同佢嘅政治助理陳凱欣（左）請佢出去食飯，仲影埋合照吹蠟燭，所以話政治上係無永遠嘅敵人嘅。