【明報專訊】香港蘇富比春季拍賣一連4日舉行，噚日又有藏品以高價成交，其中一件以白玉製成嘅「雍正御筆之寶」方璽（圖），本來估價3000萬至4000萬港元，最後有9個人競投，最終爭到1億490萬港元成交。雖然個價都幾高，但呢個玉璽，仲未夠2010年10月成交嘅清乾隆御寶「信天主人」交龍鈕白玉璽咁貴，當年個玉璽成交價要1億2162萬港元。