【明報專訊】以為人多蝦人少就入硬波？咁你就太年輕了，即刻帶你睇吓「年青人」點樣5打1都唔入嘅神技！講緊嘅其實係瑞士勁旅年青人日前作客對弱旅嘅聯賽賽事，當時客軍喺中圈位置偷到個波後直推，身邊跟上嘅隊友有4個，而對手只得1個後衛孤軍作戰，點知佢傳中時偏偏就係傳咗畀個對手。雖然即刻偷番，不過防守球員都返到啦，最後個波仲要射埋出界，搞到喺遠柱等咗勁耐嘅隊友都要踢柱發泄怒火。