【明報專訊】政府噚日公布新一輪公職，被視為有潛質選特首嘅陳智思，啱啱做完6年可持續發展委員會主席，最新公職任命係「降低食物中鹽和糖委員會」主席。佢話政府今次揀佢，全因佢有病，啱做呢個位咁話。至於同政府口徑未必次次一致嘅通訊局主席何沛謙，就有得留低續任2年，通訊局嚟緊仲要處理商台續牌同港視再申請免費牌，佢坦白講，未來工作真係有高度挑戰性。