【明報專訊】噚日係年宵市場第一日，各個政黨嘅年宵攤位喺烈日下開檔。最早開檔係社民連，佢哋搭咗個電動裝置，卡通版梁振英畀一把黃遮鈎住，吊下吊下放落一個痰罐度，上面仲寫住「梁振英下台」，至於攤位就主打同佔領運動有關嘅雨傘紀念品，有匙扣布袋之類任君選擇。民建聯都唔輸蝕，投到個138號好意頭冧把攤位，大賣「羊」貨。