【明報專訊】區議會選舉今年底舉行，新民黨過去兩日就喺屯門黃金海岸酒店舉行集思會，據聞主要都係討論區選情况，共約50人出席，互相交流吓地區工作同選情分析等。新民黨副主席田北辰話，席間不論現任區議員定有意參選者，都要詳細交代對該區嘅認識、要幾多票先贏、有乜嘢挑戰等細節，等大家掌握邊啲參選人勝算大、邊個就危危乎呀咁。