【明報專訊】政務官（AO）圈子有唔少夫妻檔，當中表表者要數到常秘夫婦——發展局常任秘書長（規劃及地政）周達明（左）同財經事務及庫務局常任秘書長謝曼怡（右），佢哋前晚出席政務官協會酒會，齊齊攞咗30年長期優秀服務獎。AO出身嘅新民黨主席葉劉淑儀都有出席，仲喺facebook上載咗唔少當晚合照，又慨嘆當年唔少佢睇住入行嘅「小弟弟小妹妹」，轉眼已入行咁耐，見返咁多老朋友，葉太話好開心。