【明報專訊】立法會保安事務委員會噚日舉行特別會議，席上議員為去年底嘅佔領運動向警務處長曾偉雄質詢，又質疑政府利用警隊處理政治事件。經民聯議員梁美芬話，佔中三子之一戴耀廷早喺2013年初聲稱要「癱瘓警隊」，所以唔存在「利用邊個」，但就被公民黨毛孟靜指佢無中生有。梁美芬聞言反駁，話講法係引自2013年1月及2月《壹週刊》，叫毛孟靜返去「做吓功課先」。