【明報專訊】警察公共關係科（PPRB）總警司許鎮德喺佔領行動期間，幾乎每日出嚟開記者會，被網民封為「4點鐘許sir」，人氣急升。PPRB噚日同一眾傳媒行家茶敘，許sir透露近期出街有唔少人認得佢，仲不時眼望望，又上前要求同佢「自拍」，佢當然無令「粉絲」失望。為繼續提升警隊形象，警隊又計劃今年開個facebook專頁，提供新聞背後故事咁話，但實際點做就有待公布。