【明報專訊】政改第二輪諮詢文件提到參選人只要取得1/12提委會（即100人）支持，就可以「入閘」選特首，門檻仲低過𠵱家嘅1/8（150人）門檻。不過，民主黨噚日就搞咗個圖解「假普選方案」，認為即使首關嘅低門檻可以令超過10個參選人「入閘」，但喺人大常委8．31《決定》下嘅「跑道」，最後只得喺提委會過半支持嘅2至3名候選人先可以「出閘」選特首，所以最後可以「出閘」嘅都係得狼、豬同狗，仲要全部身披黃星紅旗。