【明報專訊】佔領期間，大學嘅取態備受關注，港區人大代表、城大校董會主席胡曉明話，原來9月嗰陣，教育局長吳克儉曾經搵埋幾間大學嘅校董會主席見面，睇吓大家點應變。胡曉明透露，局方關注嘅，包括如果校園被佔領，大學校長使唔使搵後備辦公室、要唔要加強網絡保安等。胡曉明仲大爆前幾日撞到吳克儉，對方仲話日內會透過副局長楊潤雄再約八大校董會，局方都唔知幾咁關心。