【明報專訊】2014年剛過去，Emily做過小統計，發現以去年見報文章次數統計，70名立法會議員中，社民連梁國雄（長毛）曝光率爆燈，達到6237次，即平均每日有17篇報道，仲多過主席曾鈺成。至於包尾嘅係勞工界嘅潘兆平，全年見報文章150次，即兩日都無一篇。不過，正如潘兆平所講，有啲工作議員做咗都無傳媒報道，而深入睇番啲有關議員嘅新聞，有啲係正面，亦可能係人哋鬧佢，所以畀人鬧得多，都有機會增加曝光率。