【明報專訊】佔領運動令到部分人由原本親建制改為支持泛民，好似民建聯成員潘煒聰，9月初轉軚撐佔中同佔中三子，一齊剃頭明志，仲剪爛埋民建聯會員證放上網。不過，噚日潘煒聰收到民建聯紀律委員會信件，話收到北區支部就呢件事嘅投訴，要求佢揀退黨或者畀黨查，佢噚日就將封信放上社交網站。