【明報專訊】臨近年尾，又係回顧過去一年嘅日子，今年大家印象最深刻肯定係剛落幕冇耐嘅佔領行動，Google噚日公布咗今年搜尋榜，其中十大本地時事人物排行榜中，最多人google嘅本地人物，係學聯秘書長周永康，副秘書長岑敖暉排第三，咁邊個排第二呢？就係學民思潮前發言人周庭。不過結果都唔係黃絲帶贏晒，藍絲帶代表之一李偲嫣就贏咗學民思潮黃之鋒一個馬鼻，排第四！