【明報專訊】金鐘佔領區清場前夕，41名建制派議員舉行聯合記者會支持警方全面清場。以往呢類場合，建制派議員都「自說自話」、亮點唔多，但佢哋噚日就好有創意，例如經民聯林健鋒就叫人分清楚「邊個係人、邊個係鬼」，批評有啲人到今日仍然叫人衝擊，係「麻木不仁，立心不良」。工聯會王國興就希望警方清除金鐘佔領區後，盡快清埋銅鑼灣，以免「留下癌種」。