【明報專訊】香港電視開台3個星期，開台劇《警界線》都播得七七八八，話說噚日港視上載第15集，後段有一幕可能嚇親觀眾。話說戲中男主角周俊偉喺街上追住老婆蔣祖曼，點知老婆轉個彎變咗做麥當勞廣告入面個「點Jack」，仲同男主角一齊食麥樂雞，望真啲，哦，原來係廣告！Emily問過港視，呢個「點Jack」廣告原來係由港視製作，近日專登補拍嚟配合劇情，收費比一般廣告貴啲㗎！