【明報專訊】醫學會最新一期會訊嘅封面相，見到醫學會會長史泰祖同埋前會長蔡堅一齊企喺金鐘佔領區，兩人仲一齊撐起一把黃傘，唔知仲以為佢哋撐佔中𠻹。但細心睇清楚，相片旁邊有個聲明，話張相喺11月8日下午拍攝，佢兩個去金鐘係攞景，唔係參加集會或佔領行動，舉黃傘係因為當時落緊雨咁話。