【明報專訊】財政司長曾俊華噚日嘅網誌，講最近熱爆嘅社企認證標誌「SEE Mark」，佢引述哈佛商學院學者話，財富過度集中等問題威脅緊資本主義制度，如果商界改變營商手法同衡量成功準則，就可以幫手解決社會問題。財爺覺得呢個理念同社企一樣，仲話香港有咁多商界精英同專業人士，又有社會服務網絡，已有搞社企嘅優勢。