【明報專訊】近月有藝人參與同支持佔領行動後疑被內地封殺，曾經喺1989年參與「民主歌聲獻中華」撐北京民運嘅前歌手、現任人大代表民建聯成員張明敏（圖）就話，當年藝人表態、參加撐八九學運嘅活動無問題，但𠵱家撐佔中就唔好。點解佢可以撐學生，人哋又唔應該呢？張人大話因為兩項運動性質唔同喎，「當年係全世界華人都參與嘅民主運動，今日只是討論香港有無真普選」。張明敏仲話，大家仲要感謝共產黨，帶動國民走向小康。