【明報專訊】雨傘運動遍地開花，除咗學聯兩個「男神」——秘書長周永康及副秘書長岑敖暉「被成立」facebook粉絲專頁外，其他「雙學」領袖例如學聯羅冠聰、梁麗幗，以及學民周庭、黃之鋒、黎汶洛等嘅粉絲專頁亦紛紛出現，粉絲團友甚至「落區」要求合照同簽名。噚日各大粉絲專頁發表咗個「聯合聲明」，呼籲粉絲勿忘佔領運動初衷，避免追星般包圍「雙學」領袖，影響佢哋休息同運動焦點。