【明報專訊】政務司長林鄭月娥一向喺英國擁有兩個物業，但行政會議公布新一輪個人利益登記冊，就顯示林太最近已經再無登記喺英國擁有任何物業。林太候任司長時，透露過唔做局長後曾有去意，打算同丈夫、兩個仔喺英國生活，但最近就賣晒英國啲樓，中大政治與行政學系高級講師蔡子強話，林太今次嘅做法，令人揣測佢係咪要向北京表示忠心，表明唔會喺英國留後路。