【明報專訊】佔領行動嘅戲肉、學聯同政府嘅對話，將會喺聽日星期二上演。一直都好關心學生嘅天主教香港教區榮休主教陳日君樞機，就無緣見證呢個時刻，因為佢日前去咗羅馬，出席已故教宗保祿六世嘅宣福禮（相關新聞刊A22），要兩個星期後先至回港。陳樞機話唔係去做「逃兵」，只係「請假」，仲話返到香港後，如果戰友都被拉，「我也會來自首」。