【明報專訊】佔中事件爆發後，中文大學校長沈祖堯好擔心參加佔中集會嘅學生人身安全，有晚清場風聲吹得好勁，沈祖堯搵埋港大校長馬斐森，兩個人汗流浹背到金鐘勸學生馬上撤離。一班老友見佢呢排憂心忡忡，頻頻撲撲，咁啱下周三（22日）係佢「牛一」，老友靜靜雞喺今個禮拜二晚訂咗一圍酒，呃佢話老友食餐飯，佢去到大家唱生日歌，祝佢生日快樂，佢先知係surprise party ，好開心。