【明報專訊】大批市民喺佔領行動中用雨傘遮擋胡椒噴霧，被當作攻擊性武器。為咗證明雨遮真係好有攻擊性，民建聯立法會議員梁志祥將黃飛鴻擺上枱，話「以我所知，喺民國時代，雨遮係一種攻擊性兵器」，因為佢睇黃飛鴻啲劇集，都見到黃飛鴻用遮做武器，同「奸人堅」格鬥，仲反問議員「唔通同事完全無呢種基本歷史常識？」梁志祥將劇集橋段當歷史「常識」，連民主黨何俊仁都話佢嘅言論「歎為觀止」。