【明報專訊】黃之鋒「夠秤」喇！噚日係學民思潮召集人黃之鋒18歲生日，一班學民戰友喺街頭同佢慶生，又送上一份特別嘅生日禮物，就係一本由學民仔女同香港市民寫畀佢嘅紀念冊，之鋒話「希望年年無今日」，因為唔使再佔領。踏入18歲，法律上不再係「兒童」，而係「成年人」，之鋒噚日接受商台訪問時話，若繼續參與目前嘅佔領運動，「成年人嘅刑責會重好多」，已經做好坐監嘅心理準備。