【明報專訊】泛民主派早前「突襲」成功，立法會財委會轄下嘅工務同人事編制委員會幾乎被全體泛民議員「佔領」，人數多過建制派。點算？即使人事編制小組委員會嘅入會限期已過，18個建制派議員為咗收復失地，都急急腳以各種奇趣嘅理由要求加入委員會，包括「助理出錯」、「忙於處理近日業界面對塞車問題」等。不過，最有霸氣嘅理由，莫過於民建聯蔣麗芸（Ann姐）提出嘅「反對派議員背信棄義」，所以佢申請入會！