【明報專訊】海外繼續有唔少人撐香港嘅佔領行動，不過新加坡發生咗唔太愉快事件，Emily噚日留意到當地傳媒報道，周三（1日）晚過百名市民喺芳林公園（Hong Lim Park）嘅「Speakers' Corner」舉行燭光晚會，支持香港學生同「雨傘革命」，當中有幾個參加者唔係新加坡永久居民，畀當地警方帶走問話，不過就無人被拘捕。當地傳媒引述警方發言人話法例規定，外國人只可旁觀、唔可以參加示威集會。