【明報專訊】香港走入歷史一刻，唔同人都用唔同方法記錄呢段歷史。做過教師嘅Perry Dino噚日帶埋畫板油彩，坐喺旺角彌敦道惠豐中心出面，將市民朝早喺旺角佔據十字路口嘅場面，喺油畫畫布上呈現。Perry話，香港社會情况、教育制度令佢「吃不消」，舊年決定辭職，之後以畫為樂，直至前日見到催淚彈喺金鐘射到周圍都有，場面令人痛心難過，所以希望用畫筆紀念呢個重要時刻。