【明報專訊】面對人大常委會就政改「落閘」，有人忍無可忍要佔中，但佔領之時人有三急，就更加忍無可忍。有香港人以「urgent wee wee」之名，上載一條教大家製作「流動廁所」嘅短片，講到明「佔中適用」。短片用「小便神器」嚟形容流動廁所，男性用嘅神器得一種，就係膠樽一個。女性嘅選擇就多好多喇，例如貓砂配膠杯、紙杯配膠樽，或者係紙皮箱加個膠袋。短片力銷嘅完美版神器，係由紙包飲品同膠樽特製而成。