【明報專訊】沉靜咗一陣子嘅「佔領中環」終於有新搞作，佔中噚日喺超過30℃高溫下舉行「民主登高日」，由香港公園行去山頂公園，全程大約兩個半鐘。行山途經政務司長林鄭月娥位於白加道嘅官邸，佔中三子之一陳健民喺起步前，就好搞鬼咁「提醒」大家，一定要守紀律，話佔中未正式舉行，大家經過官邸時千祈唔好去佔領。