【明報專訊】由建制派發動嘅「反佔中」運動呢排氣勢如虹，表示已收集到120萬個簽名聯署支持，泛民除咗食花生靜觀聯署人數，好似無咩行動回應，搞到唔少支持者都有啲失望。不過，對手高調行動，原來佔中卻相反，佢哋話會低調啲密密深化理念，嚟緊將計劃巡迴不同組織深化佔中理念同分享形勢，本月24日（星期日）更會舉行「民主登高」，歡迎所有支持者行高一啲、望遠一啲，吸番啖清新空氣。