【明報專訊】噚日有市民同退休警員喺烈日下參加「撐警大遊行」，參加者仲有禮物，喺終點領取由立法會議員梁美芬贊助嘅「西九新動力風雨同路」雨傘，唔少人爭相領取。梁美芬同遊行搞手李偲嫣關係密切，佢話今次贊助幾百把遮，又話噚日烈日下非常啱使，而平日都有派開遮畀街坊用。Emily見好多參加者都唔介意遊行後要再排隊攞遮，有人仲一個人拎幾把走。