【明報專訊】「幫港出聲」計劃收集80萬人簽名反佔中，中華煤氣員工噚日向《蘋果日報》報料，指公司前日突然召開緊急會議，向員工派發「保普選反佔中大聯盟」表格，有員工引述煤氣工程部總監敖少興，指要求員工簽署表格，係恒基地產副主席林高演嘅指令。煤氣發言人承認大聯盟搵過煤氣，煤氣只答應向員工派發表格，唔代表支持反佔中，強調無逼員工簽署；隔咗唔夠兩個鐘，煤氣發言人話公司唔會代為收集表格，以釋員工疑慮。