【明報專訊】專注發展本港粵劇嘅八和會館同1600隻紙熊貓crossover，可以擦出咩火花？「1600熊貓遊香港‧創意X保育展」進入倒數階段，義工帶住一大班紙糊熊貓踩上八和會館，相信呢次係最可愛亦係最受歡迎嘅「踢館」。會館一班演員見到紙熊貓愛不釋手，連化妝都要一齊，仲有演員左手抱住戴咗頭冠嘅熊貓，右手拎住眉筆，好似想幫佢畫眉。畫完眉做乜？一班演員發揮創意，同熊貓合演一場即興粵劇——《千六熊貓會八和》，呢套劇前無古人，暫時都後無來者。