【明報專訊】政改諮詢首階段完結後，最近幾個月先後發生佔中全民投票、學聯預演佔中，都幾熱鬧。港區人大代表兼行政會議成員鄭耀棠噚日同傳媒茶敘，被問到有無去北京收風了解下中央睇法，棠哥就話自己最近的確四圍飛，去咗廣西，又去哈爾濱、仲有青海，名副其實走遍大江南北，但佢話最近出門唔係去見京官，北京佢都淨係轉機逗留喺機場一陣咋。