【明報專訊】壹傳媒集團主席黎智英（肥佬黎）不時成為建制團體攻擊對象，噚日佢做港台節目《城市論壇》嘅嘉賓，由傅振中等人成立嘅保衛香港運動、匯賢起動等團體就到場招呼佢。黎智英一到場，台下嘅人隨即起哄，傅振中等人大罵黎智英收美國佬錢、勾結外國勢力。不過，黎智英輸人唔輸陣，對住佢哋舉起雙臂、豎起拇指示威，令台下示威者更激動。黎智英更加話「好高興」見到佢哋，形容話見到啲「屎忽當大腦」嘅人，又直斥傅振中「個樣好醜惡、無恥」。