【明報專訊】星期三嘅立法會預算案「拉布戰」上演唔夠4個鐘已經流會，啱啱差一個人先夠法定人數開會，每個缺席嘅議員當然都有責任。不過身為建制派第二大黨嘅經民聯，當日7個議員竟然只得盧偉國在席。經民聯其他立法會議員噚日終於現身，為流會解畫，主席梁君彥就向市民致歉，話每個議員都有責任，不過就批評有議員刻意製造流會，話責任誰屬「市民心裏有數」，又話經民聯議員日後會盡該本分出席會議，不過佢就唔肯透露經民聯一眾兄弟嗰日其實去咗邊。