【明報專訊】學民思潮近日積極游說唔同政黨發動「五區公投」，爭取公民提名，而佔領中環發起人陳健民喺前日本報專訪話，雖然欣賞學民仔，但話與學民仔「步伐不同」，憂慮「五區公投會打亂佔中步伐」。學民思潮噚日發表聲明，話從未諗過要打擊佔中運動，認為佢哋提出要立法會議員辭職搞「公投」，可以填補佔中搞電子公投後嘅「運動空窗期」；學民反問陳健民「有辭職公投就沒有電子公投」呢種說法，有無喺商討日討論過，又反問呢個係咪只係陳健民個人意見。