【明報專訊】話咁快又到一年一度𢭃利市嘅日子，綠領行動統計顯示，港人每年平均用1.8億個新利市封，等於砍伐9000棵樹，唔係幾環保。綠領行動高級項目主任郭盈盈話，好多人𢭃咗利市，攞咗裏面嘅錢就掉咗利市封，其實利市封可以循環再用，於是佢哋喺2010年推出「利市封回收重用大行動」，3年來共收集129萬個舊利市封，其中上年就佔咗90萬個，反映市民嘅環保意識高咗。