【明報專訊】民主黨喺新界東分拆3張名單參選，如意算盤當然係攞足3席啦，但港大民調顯示，黃成智同蔡耀昌（九哥）支持度持續低迷，民主黨喺新東分分鐘只能夠靠劉慧卿攞到一席。𠵱家進入選舉最後直路，Emily聽到有人問，民主黨會唔會打「棄保」牌？如果決定棄保，支持度最低嘅九哥好可能成為「犧牲品」。但九哥好肯定咁同Emily講，黨從來無提出要棄保，佢仍有信心當選。