【明報專訊】近日成為社會爭論焦點嘅立法會直選議席遞補機制，最終政府會唔會收回？夠唔夠票通過都仲係未知之數，一直擔任為政府護航嘅重炮手、全國政協委員劉夢熊，上星期仲力挺政府方案堵塞漏洞，但噚日出席有線節目《周日不講理》時，竟然爆咗句「如果全香港市民認為容許『政棍玩嘢』，咁咪玩囉！」，究竟係轉軚定係發晦氣，真係要問番佢先知。