【明報專訊】Emily對上一次拎起本漫畫已經係中學時代，噚日一個叫「香港漫畫」嘅App正式登陸App Store，首輪上載咗17套本地漫畫，例如《神兵玄奇》、《風雲》；新啲就有「第二屆香港原創漫畫新秀大賽」得獎嘅《木頭人》等。聽公關朋友講，中文版放上網測試咗2星期，已經有8800幾人下載，當中約一半來自海外，英文版亦會喺農曆年前後放上App Store。