【明報專訊】乜嘢係禍從口出，Emily同大家講一實例，唔知大家記唔記得，人稱「青姐」嘅股評人胡孟青，曾經喺電視台講股期間，突然話鋒一轉，話聚眾中環嘅雷曼事主係「職業粉絲」。雷曼事主不滿，有人去電視台追究胡孟青誹謗。青姐噚日出席股市展望講座，再被一群雷曼事主追擊。青姐一步上講台，樓下一聲「你識咩嘢」，繼而再有人喺台下播出「佛經」，蓋過青姐把聲。